Framhaldsnám í markþjálfun

Framhaldsnám í markþjálfun. Það fyrsta sem kemur upp í hugann er fagmennska, rými fyrir vöxt og utanumhald. Öryggi og traust til að fara í gegnum þessa miklu vegferð, sem þetta nám er. Að fara á dýptina í sjálfum sér í svona öruggu umhverfi er það sem skipti mig mestu máli. Fagmennska, kunnátta og færni var það sem heillaði mig og gaf mér bæði fyrirmyndir og kjark til að treysta, treysta á aðferðina og treysta á mitt innsæi. Það sem ég bý yfir í dag eftir að hafa farið í gegnum framhaldsnámið hjá Virkja er aukinn styrkur, ég er í fullri meðvitund með sjálfan mig og ég sé tækifærin í umhverfinu mínu og ég sé fallegu vegferðina sem er framundan. Andrúmsloftið sem skapaðist undir handleiðslu kennara og nemenda var svo töfrandi og skapandi að ég lýsi því sem kraftaverki. Takk fyrir mig.

Það er erfitt að koma orðum að því hvað framhaldsnámið í markþjálfun hjá Virkja gaf mér mikið. Kennararnir eru framúrskarandi og halda svo fallega utan um frábæra nemendahópinn. Ég mæli hiklaust með hvort sem planið er að fara alla leið með markþjálfunina eða bara til að styrkja sig sem manneskju.

Myndrænt er þetta nám líkt og að lesa um Hogwarts skólann í grunnnáminu og síðan fara í Hogwarts skólann í framhalds. Grunnnámið gaf undirstöðuna til þess að fara miklu dýpra í framhaldsnáminu en mig hafði órað fyrir. Að lesa um galdra og að prófa að galdra er tvennt ólíkt. Framhaldsnámið kenndi okkur að galdra í þessari myndrænu líkingu og sýndi manni hvað markþjálfun er djúp og falleg, því hún fer úr því að vera verkfæri í leiðarvísi um hvernig best sé að nálgast aðra manneskju svo hún fái að blómstra.

Námið opnaði dyr að dýpri tengingu við sjálfa mig sem gæðir lífið meiri gleði og meðvitund. Í kjölfarið er ég betri hlustandi og get þannig verið enn sterkari stuðningur við fólkið í kringum mig en það skiptir mig miklu máli í lífi og starfi. Fagmennskan, umhverfið og umhyggjan sem kennarar Virkja búa yfir er einstök og verð ég þeim ævinlega þakklát fyrir að veita mér rými til að stækka um mörg númer.

Ég sótti framhaldsnám hjá Virkja og var þá í framhaldsnámi í markþjálfun í annað sinn. Ég valdi Virkja vegna nálgunarinnar og nýtti jafnframt endurmenntunarsjóðinn minn. Námið kom mér skemmtilega á óvart og reyndist einstaklega öflug endurmenntun. Ég öðlaðist skýrari fókus, bæði í starfi og einkalífi, og efldi færni mína verulega sem markþjálfi. Námið var vel skipulagt, hagnýtt og kennslan framúrskarandi. Auk þess var andinn í hópnum einstakur og gaf mér mikið. Ég mæli heilshugar með framhaldsnámi í markþjálfun hjá Virkja fyrir öll sem vilja efla sig, bæði faglega og persónulega. Þetta er frábært nám sem ég er afar þakklát fyrir.

Framhaldsnámið í Virkja gaf mér svo miklu meira en ég átti von á. Námið er faglegt í gegn, hnitmiðað og einstaklega áhugavert, og um leið er hlýjan, hvatningin og stuðningurinn frá kennurunum við persónulegan vöxt nemenda algjörlega ómetanlegt. Að skrá mig í framhaldsnámið er ein besta ákvörðun sem ég hef tekið.

Framhaldsnámið hjá Virkja gaf mér svo miklu meira en aukna þekkingu og færni í aðferðinni. Það gaf mér aukna þekkingu og skilning á sjálfri mér og gerði mig betur í stakk búna að takast á við krefjandi verkefni, hvort sem það var í vinnu eða einkalífi. Kennarateymið er alveg einstakt og á alveg undraverðan hátt náði það að skapa öruggt og traust umhverfi strax á fyrsta degi og ég hlakkaði alltaf til að mæta og hitta kennarana sem og samnemendur mína. Ég mæli 100% með markþjálfunarnáminu hjá Virkja.

Framhaldsnámið í markþjálfun hjá Virkja fór langt fram úr mínum væntingum. Allt utanumhald og námsefni var upp á tíu og frábærir kennarar, að ég tali nú ekki um samnemendur, sterk tenging strax og traust. Ég lærði svo margt bæði um mig og hvernig ég get styrkt mig sem manneskju til vaxtar, og líka að læra aðferð til að hjálpa öðru fólki að skilja sig, styrkja og vaxa, blómstra í eigin lífi. Þetta er bara alveg magnað nám.

Framhaldsnámið hjá Virkja gaf mér dýrmæt verkfæri til að skoða sjálfa mig betur, vaxa og þróast sem manneskja. Ég nota þessi verkfæri enn í dag og finnst ég mæta bæði sjálfri mér og öðrum á fallegri hátt. Markþjálfunin hefur gefið mér meiri kraft, dýpt og ný tækifæri, bæði persónulega og inn í fyrirtækið mitt. Kennarateymi Virkja skapaði einstakt traust, hlýju og öryggi í náminu og samnemendur mínir urðu að nánum vinum. Ég er ótrúlega þakklát fyrir að hafa treyst innsæinu mínu og gefið mér þessa gjöf. ❤️

Þegar ég hugsa til baka til framhaldsnámsins þá kemur til mín þvílíkt dásemdar ferðalag það var að taka þátt í, eitthvað sem ég hefði ekki viljað missa af. Námið var krefjandi en gefandi og til þess fallið að styðja við innri vöxt okkar nemenda á mjög kærleiksríkan og fallegan hátt sem skilur engan ósnortinn. Leiðbeinendurnir voru framúrskarandi og sinntu kennslunni af mikilli ástríðu. Mjög vel var staðið að náminu á alla staði og ég mæli eindregið með því fyrir alla þá sem vilja læra markþjálfun og verða betri útgáfa af sjálfum sér. Kærar þakkir fyrir mig.

Framhaldsnámið hjá Virkja hefur gefið mér svo miklu meira en ég bjóst við. Það sem stendur mest upp úr fyrir mér er dýptin í náminu. Að læra að hlusta, treysta og vera til staðar og þora að fara undir yfirborðið, bæði með öðrum og sjálfri mér. Námið hefur kennt mér ótrúlega margt um mig sjálfa. Ég hef orðið meðvitaðri um mín eigin viðhorf og viðbrögð, lært að staldra meira við og sjá hlutina frá fleiri sjónarhornum. Þetta hefur haft jákvæð áhrif á svo margt í mínu lífi, hvort sem það er tengt vinnu, fjölskyldunni, samböndum og lífinu almennt. Það er eitthvað svo magnað við að læra að þurfa ekki alltaf að finna svörin eða „laga“ hlutina, heldur skapa rými, hlusta af alvöru, vera forvitin og treysta því sem kemur upp. Ég finn að þetta hefur breytt því hvernig ég á samtöl og hvernig ég tengist fólki, en ekki síður hvernig ég tengist sjálfri mér. Að fá að fara í gegnum svona djúpt og persónulegt ferðalag með hópi sem maður treystir og veitir manni öruggt rými til að æfa sig, prófa, spegla, hlæja, gráta og vaxa saman er ómetanlegt, þetta á bæði við um kennarateymið og hópinn af samnemendum, enda varð úr þessu dýrmætur vinskapur sem ég mun alltaf vera þakklát fyrir. Upplifunin var þannig að mig langar að fara í þetta nám aftur og aftur! Endalaust þakklát fyrir þetta ferðalag og mæli svo innilega með framhaldsnáminu hjá Virkja fyrir alla sem vilja fara dýpra, bæði faglega og persónulega. ❤️

Framhaldsnámið í markþjálfun hjá Virkja var bæði krefjandi og „eye-opening“ ferðalag. Ég lærði ekki aðeins enn meira um aðferðina og hvernig hægt er að styðja fólk í að finna sínar eigin lausnir, heldur lærði ég líka ótrúlega mikið um sjálfan mig. Námið fékk mig til að skoða mínar eigin hugmyndir, mynstur og viðhorf og gaf mér dýpri skilning á því hvað það þýðir í raun að vera til staðar fyrir aðra manneskju. Þetta var krefjandi á köflum, en á sama tíma mjög gefandi og persónulegt ferðalag sem ég tek með mér áfram, bæði í starfi og lífinu sjálfu. Ég er mjög þakklátur fyrir þessa reynslu og fyrir allt það fólk sem ég fékk að kynnast og læra með á leiðinni. ❤️

Ég var að klára framhaldsnám hjá Virkja og námið fór langt fram úr væntingum mínum hvað varðar allt sem ég fékk út úr því. Ég vann mikið með náminu samhliða vinnunni og fékk því tækifæri til að æfa mig strax í því sem ég var að læra. En mest af öllu hefur námið hjálpað mér að taka betri ákvarðanir frá degi til dags. Ég get nýtt það bæði í vinnunni og heima til að ná árangri út frá því sem skiptir mig mestu máli á öllum sviðum lífsins. Ég er ótrúlega þakklát fyrir að hafa fengið tækifæri til að fara í þetta nám samhliða vinnunni og myndi hiklaust velja það aftur. Takk kærlega fyrir mig.