Markþjálfun fyrir þig
og teymið þitt
Markþjálfun er fyrir þig ef þú vilt ná auknum árangri og alvöru vexti, hvort sem er í einkalífi, starfi eða með teyminu þínu.
Þú sendir stutta fyrirspurn, við höfum samband og finnum tíma sem hentar. Engin skuldbinding fylgir.
Einstaklingsmarkþjálfun
Þú kemur með viðfangsefni: ákvörðun sem þú kemst ekki í gegnum, markmið sem sækist hægt, hlutverk sem er að breytast eða líðan sem þú vilt betri. Markþjálfinn spyr, hlustar og heldur utan um ferlið, en segir þér ekki hvað þú átt að gera. Þú ferð út með skýrari sýn og næstu skref sem þú hefur sjálfur valið.
Hjá Virkja snýst markþjálfun ekki bara um að koma þér þangað sem þú vilt fara. Við stuðlum að innri vexti samhliða, því árangur sem þú hefur enga ánægju af er ekki árangur.
Markþjálfun er viðurkennd aðferðafræði sem hjálpar þér að finna rétta stefnu, leiðina og lausnirnar sjálfur. Markþjálfinn er liðsmaður í þínu ferðalagi og beinir þér að kjarna málsins með kraftmiklum spurningum.
Svona fer þetta fram
- Hvert samtal tekur um klukkustund, í Bolholti 4 eða í fjarmarkþjálfun
- Fjöldi tíma er ákveðinn í sameiningu, sumir koma nokkrum sinnum og aðrir fara í lengra ferli
- Allt sem fer á milli er trúnaðarmál
- Þú þarft ekki að vera með markmiðið á hreinu áður en þú kemur, við finnum það saman í fyrsta tímanum
Markþjálfun er hvorki meðferð né ráðgjöf. Markþjálfinn hefur ekki skoðun á því hver þú ert eða hvað þú átt að gera, heldur horfir með þér fram á við og hjálpar þér að draga fram þá hæfni og þá möguleika sem þú býrð þegar yfir.
Laufey Haralds, stofnandi Virkja, er PCC gæðavottaður markþjálfi frá ICF.
Kynnast markþjálfunum okkarHlustunargeta Laufeyjar nær miklu lengra og dýpra en flestra annarra. Og hjartalagið hennar sem fylgir þessari hlustun er svo kærleiksríkt að mín reynsla af því að fara í markþjálfun til hennar gerði það nánast ómögulegt annað en að mæta sjálfum mér. Svo ef það er það sem þú raunverulega vilt, að átta þig betur á því hver þú ert og hvað þú þarft þá mæli ég með markþjálfun hjá Laufeyju.
Örn HaraldssonTeymisþjálfari og markþjálfiFjarmarkþjálfun
Markþjálfun á netinu eða í síma getur verið alveg jafn gefandi og augliti til auglitis. Fjarmarkþjálfun hentar vel þeim sem búa úti á landi eða erlendis, og öllum sem kjósa þessa leið.
Efling og vöxtur teyma
Við bjóðum upp á sérhæfða teymisþjálfun fyrir teymi sem vilja styrkja sig og ná framúrskarandi árangri. Teymisþjálfun er ekki fyrirlestur og ekki hópefli. Teymið vinnur saman undir stjórn teymisþjálfa sem heldur utan um samtalið, dregur fram það sem liggur ósagt og hjálpar teyminu að komast að eigin niðurstöðu.
- Styrkir sálrænt öryggi: traust umhverfi þar sem meðlimir tjá sig frjálslega
- Byggir upp traust, skýrleika og samvinnu innan teymisins
- Skerpir sameiginlega sýn: teymið kemst að því hvert það er að fara og hver ber hvað
Fyrirkomulagið er sniðið að teyminu: fjöldi funda, lengd og staðsetning eru ákveðin með ykkur, hjá ykkur eða í Bolholti 4.
Fagmennska í fyrirrúmi
Markþjálfar Virkja starfa eftir siðareglum og hæfniviðmiðum ICF (International Coaching Federation), alþjóðlegra samtaka markþjálfa sem halda utan um fagmennsku í greininni, og eru með PCC gæðavottun frá ICF. Fagmennska skiptir okkur miklu máli.
Tilbúinn í fyrsta samtalið?
Sendu okkur stutta fyrirspurn og við höfum samband til að finna tíma sem hentar. Þú getur líka hringt beint í síma 663 6352.