Skilmálar Virkja

Gildissvið

Skilmálar þessir gilda um skráningu, greiðslur og endurgreiðslur vegna náms, námskeiða og aðildar að Virkja samfélaginu. Um einstaklingsmarkþjálfun og teymisþjálfun er samið sérstaklega við hvern viðskiptavin. Þá gildir það sem samið er um við bókun. Þjónusta okkar er persónuleg og við leggjum okkur ávallt fram um að finna lausn í samráði við þig ef aðstæður breytast.

Skráning og greiðsla

Skráning fer fram á vefnum og staðfesting berst þér í tölvupósti um leið og við fáum skráninguna. Sætið þitt er frátekið á meðan gengið er frá greiðslunni.

Í kjölfar skráningar í Nám í markþjálfun eða Framhaldsnám í markþjálfun sendum við kröfu að fjárhæð 50.000 kr. í heimabanka fyrir staðfestingargjaldinu. Staðfestingargjaldið dregst frá heildarupphæð námsgjaldsins og sætið er endanlega staðfest þegar gjaldið hefur verið greitt. Fyrir styttri námskeið og Virkja samfélagið er ekkert staðfestingargjald og þú færð greiðsluupplýsingar sendar í tölvupósti.

Þú getur greitt námsgjaldið í einu lagi eða skipt því í jafnar greiðslur. Ef þú vilt skipta námsgjaldinu í greiðslur skaltu hafa samband á virkja@virkja.is og við setjum upp greiðsluáætlun með þér. Tekið er við greiðslum með millifærslu eða greiðslukorti. Ef greiðsla berst ekki á gjalddaga höfum við samband við þig og finnum lausn.

Endurgreiðslur

Reglurnar í þessum kafla gilda aðeins um Nám í markþjálfun og Framhaldsnám í markþjálfun. Að öðru leyti eru gjöld fyrir önnur námskeið og aðild að Virkja samfélaginu ekki endurgreidd. Lögbundinn réttur neytenda til að falla frá fjarsölusamningi helst þó óskertur.

1. Beiðni um endurgreiðslu

Ef þú óskar eftir endurgreiðslu sendir þú okkur skriflega beiðni á virkja@virkja.is. Beiðnin þarf að innihalda fullt nafn þitt, upplýsingar um hvaða nám er að ræða og ástæðu beiðninnar. Miðað er við þann dag sem beiðnin berst okkur.

2. Réttur til endurgreiðslu

• Ef beiðnin berst minnst 14 dögum fyrir upphaf náms: Við endurgreiðum námsgjaldið að fullu, að frádregnu staðfestingargjaldinu sem er ekki endurgreitt.
• Ef beiðnin berst 13 dögum eða skemur fyrir upphaf náms, fram að fyrsta kennsludegi:Við endurgreiðum 80 prósent námsgjaldsins.
• Á fyrstu tveimur dögum námsins: Við endurgreiðum 50 prósent námsgjaldsins.
• Eftir annan kennsludag: Við endurgreiðum ekki námsgjaldið.

3. Afgreiðsla endurgreiðslu

Þegar beiðni um endurgreiðslu berst förum við yfir hana og afgreiðum endurgreiðsluna innan fimm virkra daga. Endurgreiðslan fer fram með sama greiðslumáta og notaður var við upphaflegu greiðsluna. Ef það er ekki mögulegt höfum við samband og finnum aðra leið með þér.

4. Gjöld sem eru ekki endurgreidd

Staðfestingargjaldið er ekki endurgreitt og dregst frá heildarupphæð námsgjaldsins. Ef önnur gjöld eru ekki endurgreidd, svo sem efnisgjald, kemur fram við skráningu hver þau eru og hversu há þau eru.

5. Ef námið fellur niður eða frestast

Ef nám fellur niður eða frestast af hálfu Virkja, til dæmis ef þátttaka er ekki næg, geturðu valið um að taka sæti í næsta hópi eða fá námsgjaldið endurgreitt að fullu, þar með talið staðfestingargjaldið. Við látum þig vita um leið og ákvörðun liggur fyrir.

Þátttaka og útskrift

Þessi kafli á við um Nám í markþjálfun og Framhaldsnám í markþjálfun.

Til að ljúka náminu þarf að uppfylla allar kröfur þess: mæta í kennslustundir, vinna þau verkefni sem lögð eru fyrir milli lota og standast munnlegt lokamat. Nemendur markþjálfa hver annan í tímum, eru sjálfir í hlutverki markþega og fá endurgjöf frá leiðbeinendum og samnemendum. Nemendum kann að verða skipt í æfingahópa. Þá er ætlast til að hver hópur hittist í samræmi við námsáætlun.

Þátttaka í náminu tryggir ekki að nemandinn standist lokamatið. Námið er undirbúningur fyrir alþjóðlega vottun ICF, en sótt er um vottunina sjálfa hjá ICF og hún er á forræði ICF en ekki Virkja.

Ef nemandi getur ekki lokið náminu vegna ófyrirséðra aðstæðna má hann óska skriflega eftir staðfestingu á þeim hluta námsins sem hann hefur lokið og þeim kennslustundum sem hann hefur sótt. Slík staðfesting jafngildir hvorki útskrift né vottun og tryggir ekki að stundirnar færist yfir í annað nám. Ef nemandinn vill halda áfram síðar kann hann að þurfa að skrá sig að nýju í þá hluta sem eftir standa.

Ábendingar og kvartanir

Ef eitthvað kemur upp í náminu sem þú ert ósáttur við viljum við að þú látir okkur vita, hvort sem það snýr að efni námsins, kennslunni, mati á verkefnum eða umsýslu. Byrjaðu á að ræða málið við leiðbeinandann eða umsjónarmann námsins, því flest leysist í opnu samtali.

Ef málið leysist ekki með samtali sendir þú skriflega kvörtun á virkja@virkja.is þar sem málinu er lýst. Við staðfestum móttöku kvörtunarinnar, könnum málið með óhlutdrægum hætti, ræðum við þá sem hlut eiga að máli og förum yfir þau gögn sem liggja fyrir. Þú færð skriflegt svar innan hæfilegs tíma. Þar kemur fram niðurstaða okkar og hvort gripið verður til aðgerða. Ef þú ert ósáttur við niðurstöðuna geturðu óskað eftir því að yfirstjórn Virkja taki málið til endurskoðunar.

Við förum með öll slík erindi sem trúnaðarmál og miðlum upplýsingum aðeins til þeirra sem koma beint að úrlausn málsins. Enginn þarf að óttast afleiðingar þess að leggja fram ábendingu eða kvörtun í góðri trú.

Öryggi og meðferð upplýsinga

Við förum með öll gögn og upplýsingar sem trúnaðarmál og seljum ekki upplýsingar um þig. Við notum viðurkennda þjónustuaðila til að senda tölvupóst og halda utan um skráningar. Þeir vinna eingöngu með upplýsingarnar fyrir okkar hönd. Ef þú samþykkir mælingar fyrir markaðssetningu fær Meta upplýsingar um notkun þína á vefnum eins og lýst er hér fyrir neðan.

Við kunnum að senda þér upplýsingar um nám, námskeið og viðburði á vegum Virkja. Þú getur hvenær sem er beðið um að vera tekinn af póstlistanum eða óskað eftir því að upplýsingum um þig verði eytt, með því að senda póst á virkja@virkja.is.

Vafrakökur og markaðsmælingar

Vefur Virkja notar Meta Pixel til að mæla árangur auglýsinga á Facebook og Instagram. Pixelinn er ekki hlaðinn inn og engar markaðsvafrakökur eru settar nema þú samþykkir það sérstaklega. Ef þú samþykkir getur Meta fengið upplýsingar um heimsókn þína, þar á meðal hvaða síður þú skoðar, upplýsingar um tækið og vafrann og hvort þú sendir inn skráningu eða fyrirspurn. Meta getur notað upplýsingarnar til mælinga, til að tengja heimsóknir við auglýsingar og til að birta markvissari auglýsingar. Nánar má lesa í persónuverndarstefnu Meta.

Þú getur samþykkt eða hafnað þessum mælingum þegar þú heimsækir vefinn. Valið er vistað í vafranum þínum svo ekki þurfi að spyrja þig aftur við hverja heimsókn. Þú getur breytt valinu hvenær sem er með því að velja „Stillingar vafrakaka“ neðst á síðunni. Ef þú afturkallar samþykki stöðvum við frekari mælingar og eyðum markaðsvafrakökum frá Virkja úr vafranum eftir því sem tæknilega er mögulegt.

Ágreiningur

Ef upp kemur ágreiningur um endurgreiðslu eða önnur ákvæði þessara skilmála munu aðilar leitast við í góðri trú að leysa málið með samkomulagi. Ef ekki næst sátt má vísa ágreiningnum til Héraðsdóms Reykjaness.

Skilmálarnir geta breyst. Uppfærslur verða kynntar þátttakendum tímanlega. Um hverja skráningu gildir sú útgáfa skilmálanna sem birt er á skráningardegi. Skilmálarnir voru síðast uppfærðir 7. september 2026.