Nám í markþjálfun

Takk elsku Laufey fyrir að halda/skapa svona fallegt rými fyrir námið. Ég er búin að vaxa um nokkur númer eftir námið. Þessi vegferð hefur verið gjöf sem erfitt er að koma í orð. Ég mæli heilshugar með þessu námi ef þú ert tilbúin að vaxa og verða betri útgáfa af sjálfri þér, þá ertu komin á rétta staðinn.

Vááá… þvílíka gjöfin sem leiðbeinendur námsins voru fyrir mig og umheiminn að mínu mati. Metnaður þeirra og ástríðan þeirra á markþjálfun og nemendum sínum skín í gegn allan tímann. Öllum er mætt með aðdáunarverðri hlýju og stuðning í gegnum allt námið. Hvatning þeirra gerir það að verkum að sjálfsefling hvers og eins fær að njóta sín á nýju sviði. Þetta nám gaf mér ofboðslega öflug verkfæri til að efla mig sem manneskju og markþjálfa á komandi misserum. Ég hlakka til framtíðarinnar. Takk fyrir að gefa mér það og allt hitt.

Markþjálfunarnámið hjá Virkja kennir ótrúlega áhrifaríka samskiptaaðferð sem mun koma til með að nýtast vel í öllum mínum samskiptum í framtíðinni. Hefur aukið hæfni mína í samskiptum, kennt mér að skapa mér og öðrum skýran fókus á það sem skiptir máli. Framúrskarandi leiðbeinendur eru það sem stendur helst upp úr. Faglegt og hnitmiðað nám kennt af mikilli ástríðu fyrir viðfangsefninu.

Eftir að hafa markþjálfun í huga í nokkur ár og síðan fá markþjálfun frá Laufeyju, þá fann ég mjög skýrt í hjarta mér að mig langaði að læra það sem hún væri að gera. Mig langaði að læra hennar nálgun, hún gerði eitthvað alveg ótrúlegt í hvert sinn sem ég kom til hennar, á máta sem ég tengdi við að væri einstakur á hennar vegu. Svo þegar ég hafði samband og bað um einkakennslu í markþjálfun þá var hún nú þegar að búa til nám í markþjálfun, þvílík snilld og tilviljun. Ég skráði mig um leið og mætti spenntur fyrsta daginn með stórar vonir og væntingar. Ég hef oft brennt mig á að vænta of mikils, en þegar það kom að þessu námi þá var það sannarlega ekki raunin. Námið reyndist vera svo miklu meira en það og umbreytingarnar sem ég finn innra með mér eru svo kærkomnar. Námið og allt sem fellst í því hjálpaði mér að finna parta af mér sem ég hafði gleymt, en við endurfundinn sérlega saknað. Hver lota var líkt og í göngu að tína upp týndu brotin og síðan púsla þeim inn á rétta staði, eða aftur á sinn stað. Ég kom inn í von um að læra tækni og stíg út með betri tök á henni en mér hefði órað fyrir. Laufey og hennar teymi, Rúna og Arnór koma þessu frá sér á svo skýra vegu og veita síðan svo mikinn stuðning og rými til að æfa sig. Allt ferlið var svo þægilegt og gott, þannig þegar ég horfi til baka þá er þetta nám alveg jafn ríkur grundvöllur til þess að gefa sjálfum sér gjöf sem nærir sálina og læra aðferðafræði og nálgun á aðra sem fær þá og mann sjálfan til að ljóma. Það kemur mér á óvart hvað ég finn ríka köllun til þess að byrja að markþjálfa og bera boðskap og gjafir Laufeyjar áfram. Þetta er tækni sem hittir í hjartastað og eitthvað sem allir hafa gott af.

Ástríða mín blossar upp í hæstu hæðir þegar ég fæ tækifæri til að vera til staðar, styðja og leiða einstaklinga og hópa í átt að árangri og betri líðan í lífi og starfi. Sama hvort það er litla brothætta unglingstúlkan í söngnàmi eða stóri öflugi gröfumaðurinn sem fær tækifæri til að vaxa upp í stjórnendastöðu, ég elska að leiða þau í þeirra vegferð. Nú hef ég fengið magnaða aðferð og verkfæri í hendurnar til að gera enn betur à enn betri og árangursríkari hátt. Kennararnir hjá Virkja eru einstaklega vel samsett teymi þar sem eiginleikar og reynsla hvers og eins þeirra koma sterkt i gegn. Með því fáum við nemendurnir víðari sýn á aðferðina og hvernig hægt er að nota hana.

Það fyrsta sem kemur upp í hugann þegar ég hugsa til baka til námsins míns hjá Virkja er heiðarleiki, virðing og kærleikur. Þekkir þú tilfinninguna þegar hugur, hjarta og talandi er í flæði? Þegar þú ert 100 % í sjálfri/sjálfum þér í fullkomnu jafnvægi með hvað þú hugsar, hvað þú segir og hvað þú finnur í hjartanu. Það er einmitt þar sem kraftaverkin gerast. Það er hressilega farið í gegnum atriði í náminu sem kafa ofan í sjálfið, minna mann á hver maður er og fyrir hvað maður stendur og um leið veitir námið aðgang að frábærri verkfærakistu inn í framtíðina. Það eru til allskonar leiðir til að ná sér í markþjálfunarmenntun og ég hef oft verið á leiðinni í það en ástæðan fyrir að ég tók loksins skrefið hjá Virkja var þetta fullkomna traust. Ég vissi að ég væri á réttum stað, vissi að Laufey hefði að geyma þau gildi sem eru mér svo mikilvæg. Elsku Laufey, Rúna og Arnór, takk óendanlega fyrir ykkur ❤ Ef ég dreg námið saman í eitt orð þá er lykilorðið: ❤ „TÖFRAR“ ❤