Nám í markþjálfun
27. ágúst – 11. október
Uppselt- Lota 127. – 30. ágúst · kl. 10:00–17:00
- Lota 219. – 20. september · kl. 10:00–17:00
- Lota 310. – 11. október · kl. 10:00–17:00
ICF-vottuð Level 1 markþjálfamenntun
Nám í markþjálfun
Nám sem hjálpar þér að vaxa, styrkja samskipti þín og læra öfluga aðferð sem nýtist bæði í lífi og starfi. Hvort sem þú vilt skapa breytingar í eigin lífi eða læra að styðja aðra til árangurs, þá er markþjálfun færni sem þú tekur með þér inn í allt sem þú gerir.
67 stundirstaðarnám í þremur lotum með heimanámi á milli
8 dagarheilir kennsludagar, kl. 10:00 til 17:00
10 mentortímarhjá mentormarkþjálfa, þar af þrír einstaklingstímar
Er þetta nám fyrir þig?
Námið hentar þér ef þú…
- Vilt vaxa bæði persónulega og í starfi
- Vilt efla sjálfsvitund þína og öðlast dýpri skilning á sjálfum þér og öðrum
- Vilt byggja upp sterkari og árangursríkari samskipti
- Ert stjórnandi, mannauðsstjóri eða vinnur með fólki og vilt nýja nálgun í samtölum
- Vilt læra að styðja aðra í að ná markmiðum sínum
- Vilt tileinka þér öflug verkfæri sem nýtast bæði persónulega og faglega
- Vilt starfa sem markþjálfi, samhliða öðru starfi eða í fullu starfi
Árangurinn
Að námi loknu geturðu…
- Hlustað af meiri dýpt
- Spurt kraftmikilla spurninga sem skapa skýrleika og framþróun
- Þekkt betur eigin gildi, styrkleika og hvata
- Verið öruggari í samskiptum
- Stutt aðra í að ná markmiðum sínum
- Beitt faglegri markþjálfunaraðferð sem nýtist bæði í lífi og starfi
- Útskrifast sem markþjálfi frá ICF-vottuðu námi og hafið störf, samhliða öðru starfi eða í eigin rekstri
Aðferðin
Hvað er markþjálfun?
Markþjálfun er samtalstækni sem miðar að því að hjálpa þeim sem sækja markþjálfun að hámarka möguleika sína til vaxtar. Viðfangsefni markþjálfunar geta verið persónulegur vöxtur, aukin lífsgæði, betri frammistaða eða hvað annað sem markþeginn ákveður að einbeita sér að.
Hjá Virkja leggjum við jafn mikla áherslu á að þróa markþjálfann og að kenna markþjálfun. Við trúum því að áhrifarík markþjálfun byggist ekki eingöngu á aðferðafræði heldur einnig á sjálfsvitund, nærveru og hæfni markþjálfans til að skapa rými fyrir vöxt annarra. Markmið okkar er að útskrifa markþjálfa sem búa yfir faglegri hæfni, djúpri sjálfsvitund og getu til að styðja aðra á árangursríkan og ábyrgan hátt.
Lesa meira um markþjálfun
Gæðavottun
Námið er kennt samkvæmt alþjóðlegum stöðlum ICF og hefur hlotið viðurkennda gæðavottun frá ICF (International Coaching Federation).
Grunnhæfnisþættir markþjálfunar
- Beitir siðferðislega réttri hegðun
- Viðhorf markþjálfa
- Stofnar til og viðheldur samkomulagi
- Leggur rækt við traust og trúnað
- Nærvera og viðvera
- Beitir virkri hlustun
- Vitundarsköpun
- Stuðlar að auknum styrk og vexti
Uppbygging
Hvernig er námið?
Námið fer fram í þremur staðarlotum með heimanámi og mentorstundum á milli.
Fyrsta lota
Í fyrstu lotu fáum við góða yfirsýn yfir samtalstæknina, öðlumst djúpan skilning á hæfnisþáttum markþjálfunar og kynnumst því hvaða eiginleika hún inniheldur og hvers hún er megnug. Nemandinn öðlast færni í aðferðinni til þess að geta farið að nota hana og æfa sig utan skólastofunnar. Einnig er lögð áhersla á að hver og einn nemandi fái að upplifa krafta markþjálfunaraðferðarinnar á eigin skinni og öðlast þannig dýpri skilning á sjálfum sér og öðrum.
Í lok fyrstu lotu fá nemendur úthlutað mentormarkþjálfa en hver og einn nemandi fær þrjá einstaklingstíma hjá reyndum mentormarkþjálfa á meðan á náminu stendur.
Önnur lota
Í annarri lotu förum við á dýptina, köfum í kjarna manneskjunnar og rannsökum flókin fyrirbæri eins og meðvitund og lífsorku auk þess að læra á verkfæri til þess að byggja upp okkar innri styrk og vöxt. Einnig förum við dýpra í lykilþætti markþjálfunar og vinnum verkefni sem styrkja okkur í hlutverki markþjálfans.
Þriðja lota
Í þriðju lotu kynnumst við fleiri verkfærum og aðferðum sem við getum notað í markþjálfun. Einnig skoðum við muninn á hópmarkþjálfun og teymismarkþjálfun. Á síðasta degi lotunnar, sem einnig er hátíðisdagur, leggjum við lokahönd á námsefnið og lærdóminn. Eftir hádegi fögnum við árangrinum og vextinum sem átti sér stað á meðan á náminu stóð.
Milli lota
Á milli lota er heimanám, þar sem hver og einn nemandi markþjálfar samanlagt í sex klukkustundir á milli lotu 1 og 2 og aðrar sex klukkustundir á milli lotu 2 og 3.
Eftirfylgni: hóptímar hjá mentormarkþjálfa
Nokkrum vikum eftir útskrift býðst námshópnum hóptímar með mentormarkþjálfa. Tímarnir veita eftirfylgni til að styðja við áframhaldandi vöxt nemenda eftir námið og efla þróun þeirra í hlutverki markþjálfans. Þessir hóptímar, sem eru alls þrjú skipti, fara fram nokkrum vikum eftir útskrift og samanlagt er um sjö klukkustundir af mentorstundum að ræða. Fyrsta skiptið er staðtími sem tekur þrjár klukkustundir, en hin tvö skipti fara fram á netinu og taka tvær klukkustundir hvort.
Verð, greiðslumöguleikar og styrkir
Námið kostar 549.000 kr. Hægt er að dreifa greiðslum og við leggjum okkur fram um að koma til móts við ólíka greiðslugetu, sendu okkur línu á virkja@virkja.is og við finnum leið sem hentar þér. Mörg stéttarfélög styrkja félagsmenn sína til náms í markþjálfun og við hvetjum þig til að kanna rétt þinn hjá stéttarfélaginu þínu eða vinnuveitanda. Athugaðu að námsgjald þarf að vera greitt að fullu áður en styrkur er sóttur.
Þegar þú hefur skráð þig sendum við kröfu í heimabankann þinn fyrir 50.000 kr. staðfestingargjaldi. Það dregst frá heildarupphæðinni og er óendurkræft, en að því frádregnu færðu námsgjaldið endurgreitt að fullu ef þú hættir við 14 dögum eða fleiri fyrir upphaf náms.
Leiðbeinendur
Meðal reynslumestu markþjálfa landsins
Leiðbeinendur okkar eiga samanlagt mörg þúsund klukkustundir í markþjálfasamtölum að baki. PCC og ACC eru alþjóðleg gæðavottunarstig markþjálfa hjá ICF, veitt á grundvelli menntunar og fjölda staðfestra markþjálfatíma.
Reynslusögur
Hvað segja nemendur um námið?
Umsagnir
Umsagnir nemenda
Takk elsku Laufey fyrir að skapa svona fallegt rými fyrir námið. Ég er búin að vaxa um nokkur númer eftir námið. Þessi vegferð hefur verið gjöf sem erfitt er að koma í orð. Ég mæli heilshugar með þessu námi.
Bergþóra KummerBK DekorMetnaður leiðbeinendanna og ástríða þeirra fyrir markþjálfun og nemendum sínum skín í gegn allan tímann. Öllum er mætt með aðdáunarverðri hlýju og stuðningi í gegnum allt námið. Þetta nám gaf mér öflug verkfæri til að efla mig sem manneskju og markþjálfa.
Elías Þór HaraldssonMarkþjálfunarnámið hjá Virkja kennir ótrúlega áhrifaríka samskiptaaðferð sem mun koma til með að nýtast vel í öllum mínum samskiptum í framtíðinni. Hefur aukið hæfni mína í samskiptum, kennt mér að skapa mér og öðrum skýran fókus á það sem skiptir máli. Framúrskarandi leiðbeinendur eru það sem stendur helst upp úr. Faglegt og hnitmiðað nám kennt af mikilli ástríðu fyrir viðfangsefninu.
Eygló SchevingTónlistarkonaÉg kom inn í von um að læra tækni og stíg út með betri tök á henni en mér hefði órað fyrir. Laufey og hennar teymi, Rúna og Arnór, koma þessu frá sér á svo skýran hátt og veita síðan mikinn stuðning og rými til að æfa sig. Það kemur mér á óvart hvað ég finn ríka köllun til þess að byrja að markþjálfa.
Gísli Hrafn GunnarsonNú hef ég fengið magnaða aðferð og verkfæri í hendurnar til að gera enn betur, á enn betri og árangursríkari hátt. Kennararnir hjá Virkja eru einstaklega vel samsett teymi þar sem eiginleikar og reynsla hvers og eins koma sterkt í gegn. Með því fáum við nemendurnir víðari sýn á aðferðina og hvernig hægt er að nota hana.
Guðrún Árný GuðmundsdóttirMannauðsráðgjafiÞað fyrsta sem kemur upp í hugann þegar ég hugsa til baka til námsins míns hjá Virkja er heiðarleiki, virðing og kærleikur. Það er hressilega farið í gegnum atriði í náminu sem kafa ofan í sjálfið, minna mann á hver maður er og fyrir hvað maður stendur, og um leið veitir námið aðgang að frábærri verkfærakistu inn í framtíðina. Ástæðan fyrir því að ég tók loksins skrefið hjá Virkja var þetta fullkomna traust.
Guðrún Helga Árnadóttir
Skráning
Næstu námskeið
Námið kostar 549.000 kr. Hægt er að dreifa greiðslum og mörg stéttarfélög styrkja félagsmenn sína til náms í markþjálfun. Kennt er í Bolholti 4, 105 Reykjavík, og takmarkaður fjöldi sæta er í hverjum hópi.
Nám í markþjálfun
15. október – 29. nóvember
- Lota 115. – 18. október · kl. 10:00–17:00
- Lota 27. – 8. nóvember · kl. 10:00–17:00
- Lota 328. – 29. nóvember · kl. 10:00–17:00
Þú getur hætt við og fengið námsgjaldið endurgreitt að fullu, að frádregnu staðfestingargjaldinu, berist beiðni 14 dögum eða fleiri fyrir upphaf náms. Sjá skilmála.
Spurningar berist á virkja@virkja.is eða í síma663 6352.
Næsta skref
Á næsti hópur að vera þinn?
Næsta nám hefst 15. október. Bókaðu fría námskynningu eða skráðu þig beint. Við tökum vel á móti þér.