Sérhæfing fyrir markþjálfa

Nám í teymisþjálfun

Dýpkaðu hæfni þína og lærðu að vinna með heilum teymum. Sérhæfing fyrir markþjálfa sem vilja hjálpa teymum að byggja upp sálrænt öryggi, traust og samvinnu.

Skrá mig Senda fyrirspurn

Næsta námskeið hefst 1. október — skráning opin

30 stundirstaðarnám í tveimur lotum með verkefnum á milli

4 dagartvær tveggja daga staðlotur í Bolholti 4

6 mentortímarhóptímar hjá reyndum teymisþjálfa á milli lota

Námið

Frá einstaklingum til teyma

Teymisþjálfun er ein hraðast vaxandi grein markþjálfunar. Samkvæmt ICF er hún samskapandi ígrundunarferli sem hjálpar teymum að hámarka hæfileika sína — og hún gerir aðrar kröfur til markþjálfans en einstaklingsmarkþjálfun.

Í náminu lærir þú að lesa hreyfingar hóps, skapa sálrænt öryggi í hópi og halda utan um samtal þar sem margir eiga rödd. Námið er verklegt og byggir á raunverulegum æfingum með teymum, undir handleiðslu reyndustu teymisþjálfa landsins.

Verkleg þjálfun með raunverulegum teymum
Unnið í samræmi við siðareglur og staðla ICF
Hóp-mentorstundir hjá reyndum teymisþjálfa

Forkröfur

Námið er ætlað þeim sem hafa lokið grunnnámi í markþjálfun, hjá Virkja eða öðrum viðurkenndum markþjálfaskóla, og vilja sérhæfa sig í vinnu með teymum.

Uppbygging

Hvernig er námskeiðið?

Fyrsta lota — grunnur teymisþjálfunar

Í fyrstu lotu leggjum við grunninn: hvað er teymi, hvað einkennir árangursrík teymi og hvert er hlutverk teymisþjálfans? Við kynnumst helstu líkönum og aðferðum teymisþjálfunar og æfum okkur í að halda utan um samtal hóps frá fyrsta degi.

Önnur lota — dýpri vinna og raunveruleg teymi

Í annarri lotu förum við dýpra. Við vinnum með sálrænt öryggi, átök og erfiðar hreyfingar í hópum og æfum teymisþjálfun í raunverulegum aðstæðum. Nemendur fá persónulega endurgjöf og ljúka lotunni með eigin æfingaverkefni.

Á milli lota — mentorstundir og ástundun

Á milli lota vinna nemendur æfingaverkefni með teymi að eigin vali og hittast í hóp-mentorstundum þar sem reynslan er rædd og unnið úr áskorunum. Samanlagt eru sex klukkustundir af mentorstundum í náminu.

Verð og greiðslumöguleikar

Námið kostar 329.000 kr. Í kjölfar skráningar er staðfestingargjald greitt, kr. 50.000, sem dregst frá heildarupphæðinni. Hægt er að dreifa greiðslum með því að hafa samband á virkja@virkja.is. Mörg stéttarfélög styrkja félagsmenn sína til náms — kynntu þér rétt þinn hjá þínu stéttarfélagi.

Leiðbeinendur